Вальверде "Сельта"га қарши ўйинда ёшларни майдонга туширади

"Барселона" клуби бош мураббийи Эрнесто Вальверде Ла Лиганинг "Сельта"га қарши бўлиб ўтадиган навбатдаги турида таркибда кескин ўзгаришлар қилмоқчи.

Football Espana нашри тарқатган хабарга кўра каталонияликлар устози “Ливерпул”га қарши бўлиб ўтадиган ЕЧЛ ярим финал жавоб баҳсидан олдин жамоанинг асосий футболчиларига дам беришга қарор қилган. Таъкидлаш керакки, “кўк-анор ранглилар” ўтган тур муддатидан аввал чемпионликни расмийлаштиришган эди.

Бугун “Барселона”нинг асосий таркибида Иньяки Пенья, Мусса Ваге, Ориоль Бускетс, Алекс Колладо, Рики Пуч, Карлес Перес ва Абель Руис каби ёш футболчилар шуғулланишган. Катта эҳтимол билан ана шу ёшлар “Сельта”га қарши ўйинда иштирок этишади.