Van de Bek borasida "Manchester Yunayted" Germaniya klubi bilan muzokaralar o‘tkazmoqda

"Manchester Yunayted"ni tark etishi kutilayotgan Donni van de Bek uchun Germaniyaning "Ayntraxt" klubi kurashga qo‘shildi. Frankfurtliklarni yarim himoyachini ijaraga olishni istamoqda va tomonlar o‘rtasida muzokaralar davom etyapti. Bu haqda Fabritsio Romano xabar berdi. 

Jurnalistning ta’kidlashicha, Van de Bekni qo‘lga kiritish uchun "Jirona" ham harakat qilmoqda. Ammo "Ayntraxt" kurashda favorit bo‘lib turibdi.

Niderlandiyalik futbolchi mavsum boshida jarohat olib, safdan chiqqandi. U hozirgacha "Manchester Yunayted" safida 2 ta o‘yinda maydonga tushdi. Qiziqarli tomoni u mazkur mavsumda 21 daqiqa maydonda harakat qilgan.