Ван де Бек танқидларга жавоб берди

"Манчестер Юнайтед" ярим ҳимоячиси Донни ван де Бек АПЛ 10-тур "Саутгемптон"га қарши баҳсда оёғидан олган жароҳатини кўрсатди.

"Премьер-лигага хуш келибсан", - изоҳ остида шишиб кетган оёғининг суратини Инстаграм саҳифасига жойлади.

Эслатиб ўтамиз, ўйиннинг биринчи таймида Жеймс Уорд-Проуз ван де Бекнинг оёғини босиб олганидан сўнг, футболчи баланд овозда қичқириб юборгани ижтимоий тармоқларда танқид қилинган эди.

Ёзги трансфер ойнаси вақтида манкунианлар таркибини тўлдирган 23 ёшли нидерландиялик футболчи Англия чемпионатида 7 та ўйинда майдонга тушиб, 1 та гол киритди.