Ван дер Сар яна "Манчестер Юнайтед"га қайтади

"Манчестер Юнайтед" клуби собиқ дарвозабони Эдвин ван дер Сар яна “Олд Траффорд”га қайтмоқда. Бу ҳақда Manchester Evening News нашри хабар тарқатди.

Юқоридаги манбаага кўра голландиялик мутахассис “қизил иблислар”нинг техник директори лавозимини эгаллайди. Таъкидлаш керакки, у айни дамда “Аякс”да худди шу лавозимда ишламоқда.

Маълумот учун, 48 ёшли ван дер Сар “Манчестер Юнайтед” сафида 2005-2011 йилларда тўп сурган. Инглиз клуби сафида 4 карра Англия чемпиони бўлган ва Чемпионлар лигасида ғолиб бўлган.