Ван Дейк Гакпони қўллаб-қувватлади: "Футболдан ҳам муҳимроқ нарсалар бор"

Нидерландия терма жамоаси сардори Виржил ван Дейк ҳамюрти Коди Гакпонинг оиласида юз берган фожиага муносабат билдирди.
⠀
Аввалроқ "Ливерпуль" ҳужумчисининг турмуш ўртоғи Ноа ван дер Бей иккинчи фарзандига ҳомиладорлик вақтида боласидан айрилганини маълум қилган эди.
⠀
"Бу ҳақда қўшимча маълумотим йўқ. Бундай ҳолатни ҳеч ким бошидан ўтказишни истамайди.
⠀
Коди бу синовдан ўта олади. У жуда етук инсон. Мен унинг, Ноанинг ва уларнинг оиласи бу оғир вазиятни қандай енгиб ўтаётганига катта ҳурмат билан қарайман.
⠀
Ҳозир энг муҳими — Кодини қўллаб-қувватлаш. Бу жуда ачинарли воқеа. Шундай пайтларда футбол иккинчи даражага тушиб қолишини, ҳаётда ундан ҳам муҳимроқ нарсалар борлигини яна бир бор англайсан. Ҳеч кимга бундай синовни тиламайман.
⠀
Коди Жаҳон чемпионатида ўйнашни давом эттиришни хоҳлаяпти. У бу вазиятга жуда катталарча муносабат билдирди", — деди ван Дейк матбуот анжуманида.