Van Deyk JCh-2022da porlayotgan futbolchiga "Real"ga o‘tishni maslahat berdi

Niderlandiya terma jamoasi himoyachisi Virjil van Deyk hamyurti Kodi Gakpo PSVdan "Real"ga o‘tishi kerakligini aytdi. 

"Manchester Yunayted" va "Real" bir xil darajadami? Barchani hurmat qilgan holda aytaman, albatta yo‘q. 

O‘ylashimcha, Gakpo uchun keyingi qadamni tashlash vaqti keldi. Men qish yoki yozda bu transfer amalga oshishini osonlikcha tasavvur qila olaman.  U astoydil ishlaydigan zo‘r yigit, qolaversa juda iqtidorli hamda o‘z salohiyatini hali to‘liq namoyish qilmagan", - dedi futbolchi.

Avvalroq, Kodi uchun "Real" va "Manchester Yunayted" jamoalari jiddiy qiziqish bildirayotgani haqida xabarlar tarqalgandi.