Ван Дейкнинг "Ливерпул"га қилинадиган трансферидан "Селтик" ҳам фойда кўради

Шотландиянинг “Селтик” клуби “Саутгемптон” ҳимоячиси Виржил ван Дейкнинг трансферидан 10% даромад кўриши мумкин. Агар 26 ёшли футболчи 70 млн фунтга сотилса, шундан 7 миллиони шотландияликларга насиб этади.

Glasgow Evening News нашри тарқатган хабарга кўра бу ҳақда ван Дейк “Селтик”дан инглиз клубига кўчиб ўтиш бўйича тузган шартномасида белгилаб қўйилган.

Айтиш лозимки, “Ливерпуль” қишки трансферлар даврида Голландия терма жамоаси аъзоси учун 70 млн фунт тўлашга ва ўз тарихидаги энг қиммат трансферни амалга оширишга тайёр.

Маълумот учун, “Селтик” ван Дейкни “Бреде” клубидан 2,6 млн фунтга сотиб олган. Кейинчалик эса “Саутгемптон”га 12 млн фунтга сотган.