Ван Перси: "Арсенал"да менталитет йўқ

"Арсенал" собиқ ҳужумчиси Робин ван Перси "канонирлар"нинг ҳозирги вазияти ҳақидаги фикрлари билан ўртоқлашди.

"Микель учун вазиятни ўнглаш йўлини топиш жуда муҳим, деб ўйлайман.

Бурчак тўплари, эркин зарбалар ва ҳаводан бериладиган узатмалар... Бундай имкониятларни "Арсенал" шунчаки қўлдан чиқаришини кўриб, нафас етмай қолаётгандек туюлади. Уларда менталитет йўқ, буни тузатиш керак.

Фердинанд ва Видич гол ўтказиб юбормаслик ва тўпга блок қўйиш учун керак бўлса жонини беришга ҳам тайёр эди. Бундай менталитет унвон учун курашаётган клубнинг муҳим унсури ҳисобланади.

Ҳозир "Арсенал" ҳимоясида айни шундай ҳаракатларни кўрмаяпман. Бу муаммо олдин ҳам бор эди ва ҳозиргача ҳеч нарса ўзгармаган", - дейди ван Перси.