ВАР "Реал"нинг "шўрини қуритди"

Испания Ла Лигаси 9-туридан ўрин олган "Валенсия" - "Реал" учрашуви ўз якунига етди. Унда майдон эгалари 4:1 ҳисобида зафар қучди.

Ўйиндаги ҳисоб 23-дақиқада мадридликлар ҳужумчиси Карим Бензема томонидан очилганлигига қарамай, "кўршапалаклар" бу голга 4 бор жавоб қайтара олди. Карлос Солер 3 бор пенальтидан тўп киритган бўлса, Рафаэль Варан ўз дарвозасини ишғол этиб қўйди.

• 90+6'
  

  Учрашув якунланди! Матнли трансляция Жавоҳир Азимов томонидан олиб борилди!

• 90+5'

  Мадридликлар жарима майдонига узатган тўпларини майдон эгалари қайтармоқда.

• 90+4'

  Рамос ҳужумда қоида бузди. "Реал"нинг кучи етмаяпти.

• 90+2'

  Мариано Диаснинг бош билан йўллаган зарбасига аниқлик етишмади.

• 90+1'
  

  Мадридликлар бурчак тўпидан наф чиқара олишмади.

• 90'
  

  Асосий вақтга 6 дақиқа қўшиб берилди.

• 88'

  "Реал" футболчилари ҳужумда деярли завф туғдира олмаяпти.

• 86'
  

  Ўйин вақтини сунъий чўзгани учун Доменек жазоланди.

• 83'
  

  Уго Гилямон огоҳлантирилди.

• 80'
  

  Ли Кан Ин ўрнига Кевин Гамейро майдонга тушди.

• 76'
  

  Бензема ва Вальверде ўрнига Мариано Диас ҳамда Тони Кроос майдонга тушди.

• 72'

  "Реал" футболчиларига характер етишмаяпти.

• 70'

  Вальверденинг узоқ масофадан йўллаган зарбаси тўсин юқорисидан ўтиб кетди.

• 67'

  "Қироллик клуби"ни йирик ҳисобда мағлуб этаётган мезбонлар ҳужумга ўтишда давом этмоқда!

• 65'
  

  Черишев ҳамда Вальверде ўзаро жиддий тўқнашиб кетди. Федерикога тиббий ёрдам керак!

• 64'
  

  Винисиус ҳамда Асенсио ўрнига Эдегор ва Родриго майдонга тушди.

• 63'
  

  ГООООООООООЛЛЛЛЛЛЛ! Солер хет-трик қайд этди!

  Карлос Солер бу сафар ҳам тўпни ўзидан ўнгга тепди ва Куртуани ожиз қолдирди.

• 62'
  

  Рамос огоҳлантирилди.

• 62'

  Видеотакрорларни бу сафар ҳам ўз кўзи билан кўрган ҳакам яна пенальти белгилади.

• 60'

  Жарима майдони ичида Рамос қўли билан тўпни қайтариб юборди. Ҳакам ВАРга мурожаат қилди.

• 59'
  

  Бу сафар зарба берган Асенсионинг уринишини ҳам Доменек қайтарди.

• 57'
  

  Вальверденинг яқин бурчакка йўналтирган зарбасини дарвозабон қайтарди.

• 54'
  

  ГООООООООООЛЛЛЛЛЛЛ! Солер ҳисобни ишончли кўринишга келтирди!

  Тўп қаршисига яқинлашган Карлос бу сафар ўзидан ўнг бурчакка зарба берди. Тўп йўналишини топган Куртуа жамоасини голдан сақлаб қола олмади.

• 52'
  

  Марсело огоҳлантирилди.

• 51'
  

  Марсело ўз жарима майдонидаМакси Гомесга нисбатан қоида бузди. Ҳакам бу сафар ҳам пенальти белгилади.

• 48'

  Ли Кан Ин хавфли зарба берди. Тўп устун ёнидан ўтиб кетди.

• 46'

  Бенземага бирга-бир вазиятга чиқиб бориши учун тезлик етишмади.

• 46'
  

  Иккинчи бўлим бошланди!

• 46'

  Футболчилар майдонга қайтди. Биз ҳам қайтамиз!

• 45+5'
  

  Танаффус!

• 45+4'
  

  Модричнинг зарбасини дарвозабон эгаллаб олди.

• 45+3'

  Мезбонлар тўпни олиши ҳамоноқ, ҳужумга ўтмоқда. 

• 45+2'

  Мадридликлар гол умидида олдинга бормоқда.

• 45'
  

  Биринчи бўлимга 4 дақиқа вақт қўшилди.

• 45'
  

  ГООООООООООЛЛЛЛЛЛЛ! "Валенсия" ҳисобда олдинга чиқиб олди.
  Варан ўз дарвозасини ишғол қилиб қўйди.

• 44'

  Ҳакам яна бир бор ВАРга мурожаат қилмоқда. Куртуа тўпни дарвоза ичидан олиб чиққан бўлиши мумкин.

• 43'
  

  "Валенсия" гол уришига бир баҳя қолди! Куртуа дарвоза чизиғидан тўпни олиб чиқди.

• 41'
  

  Тезкор қарши ҳужумга югураётган Асенсиони қоида бузиш эвазига тўхтатиб қолган Солер сариқ карточкага лойиқ кўрилди.

• 39'

  "Валенсия"нинг эрта прессинги меҳмонлар ҳимоясида паларартишлик келтириб чиқармоқда.

• 37'

  Майдон эгалари голдан руҳланган ҳолда, кетма-кет ҳужумлар уюштирмоқда.

• 35'
  

  ГООООООООООЛЛЛЛЛЛЛ! Солер барибир ҳисобни тенглаштирди!
  Ўзидан чап бурчакка тўпни йўналтирган Карлоснинг зарбасига Куртуа тегди. Бироқ тўп барибир дарвозадан жой олди.

• 34'

  Ҳакамнинг қарори муҳокамаларга сабаб бўлмоқда.

• 33'

  Хиль Монсано видеотакрорларни ўз кўзи билан кўришга борди ва голни бекор қилди. Пенальти қайтадан амалга оширилади.

• 31'

  Ҳакам ВАРдаги ёрдамчиларидан офсайд эҳтимолини текширишни сўради.

• 30'
  

  ГООООООООООЛЛЛЛЛЛЛ! "Валенсия" ҳисобни тенглаштирди.
  Биринчи зарбани Куртуа қайтарди, Солернинг иккинчи зарбаси тўсинга тегди. Ва ниҳоят, учинчи зарбада Юнус Муса тўпни дарвозага киритди.

• 29'
  

  Жарима майдони ичида тўп Васкеснинг қўлига тегди. Ҳакам нуқтага ишора қилди.

• 27'

  Майдон эгалари ҳам секин-аста фаолликни оширмоқда.

• 25'

  "Кўршапалаклар" голга реакция билдира олди. Яхши ҳужум ташкил этилди, бироқ Черишев ўз имкониятини голга айлантира олмади.

• 23'
  

  ГООООООООООЛЛЛЛЛЛЛ! Бензема ҳисобни очди!

  Узоқ масофадан ўз омадини синаб кўрган Каримнинг зарбасини дарвозабон қайтара олмади.

• 22'

  Жарима майдонида Гайя Рамосга зарба бериш имкониятини қолдирмади.

• 21'

  Рачич Асенсионинг либосидан ушлаб қолди. Меҳмонларда стандарт вазият.

• 18'

  "Реал"нинг ҳужумлари нисбатан хавфлироқ чиқмоқда.

• 16'
  

  Бенземанинг яқин масофадан берган зарбасини дарвозабон ушлаб олди.

• 15'

  Мадридликлар рақиб жарима майдони атрофида узатмалар амалга ошириб, рақибнинг ожиз нуқтасини изламоқда.

• 13'
  

  Модричнинг зарбаси хавфли чиқди. Дарвозабон ўз ўрнида.

• 12'

  Модрич жамоаси қарши ҳужумини бошламоқчи эди. Бироқ у чалиб йиқитилди.

• 10'

  Асенсионинг узоқ масофадан йўллаган зарбасига аниқлик етишмади.

• 8'

  Жарима майдонига бу сафар узатилган тўпга Бензема ета олмади. Ҳимоячи илдам ҳаракат қилди.

• 7'

  "Валенсия" фаолликни тўхтатмаяпти. Уларнинг режасида тезкор гол уриш бор кўринади.

• 5'

  Марселонинг марказга узатган тўпи ҳимоячидан ўтмади.

• 4'
  

  Бурчакдан оширилган тўпни Куртуа ушлаб олди.

• 2'

  Майдон эгалари ўйинни ҳужум билан бошлади. Рамос рақибига яхши позицияга чиқиб бориш имкониятини қолдирмади.

• 1'
  

  Учрашув бошланди!

• 0'

  Футболчилар майдонга тушиб келди. Ўйин бир неча дақиқалар ичида старт олади.