Варан мағлубиятни ўз бўйнига олди

"Реал" ҳимоячиси Рафаэль Варан кеча ЕЧЛ 1/8 финал жавоб баҳсида "Манчестер Сити"дан (1:2) учралган мағлубиятдан сўнг ўз фикрларини билдириб ўтди.

Айтиш лозимки, “шаҳарликлар” иккала голни ҳам айнан франциялик ҳимоячининг йўл қўйган қўпол хатоларидан сўнг киритишди.

“Тан олишим керак, бу мағлубиятга мен сабабчиман. Ушбу мағлубият учун барча айбни ўз бўйнимга оламан. Биз бу ўйинга пухта тайёргарлик кўрган эдик, аммо хатолар қимматга тушди. Жамоадошларим учун афсусдаман.

Мен учрашув давомида ўзимни жуда яхши ҳис қилдим. Эҳтимол, ўйин бошида таваккал қилганимиз бизга қимматга тушгандир. Фаолиятим давомида бундай хатоларга жуда кам йўл қўйганман ва ҳозирги ҳолатда жамоадошларимнинг қўллаб-қувватлаётганидан хурсандман”, - дейди Варан.