Варан "Реал"дан кўпроқ маош талаб қилмоқчи

"Реал" Мадрид клуби ҳимоячиси Рафаэль Варан жамоа билан амалдаги шартномасини узайтиришга умид қилмоқда. Бу ҳақда ABC нашри хабар тарқатди.

Юқоридаги манбаага кўра 25 ёшли франциялик футболчи янги келишувга кўра “қироллик клуби” раҳбариятидан кўпроқ маош талаб қилмоқчи.

Маълумот учун, Варан жорий мавсум “Реал” сафида жами 35та ўйинда иштирок этди ва 2та гол уришга эришди. Унинг мадридликлар билан амалдаги шартномаси эса 2022 йилга қадар имзоланган. Унинг айни дамдаги йиллик маоши эса 6 млн еврони ташкил этади.