Васкес "Реал"нинг сўнгги 7 йил ичидаги энг тезкор голига муаллифлик қилди

Мадриднинг “Реал” клуби ҳужумчиси Лукас Васкес кеча “Реал Сосьедад”га қарши баҳснинг 47-сониясидаёқ рақиб дарвозасини ишғол этишга муваффақ бўлди.

Таъкидлаш лозимки, бу “қироллик клуби”нинг сўнгги 7 йил ичидаги энг тезкор голи бўлди. Сўнгги марта Карим Бензема 2011 йилда энг тезкор голлардан бирини киритган эди. Франциялик футболчи ўшанда “Барселона” дарвозасини учрашувнинг 22-сониясидаёқ ишғол этишга муваффақ бўлган.

Маълумот учун, Васкес жорий мавсум Ла Лигада жами 19та учрашувда иштирок этган ва ўз ҳисобига 2та гол ҳамда 3та голли узатма ёздириб қўйишга эришган.