Васкес ёзда "Реал"дан кетади

"Реал" ярим ҳимоячиси Лукас Васкес жорий мавсум якунлангач жамоани тарк этади. Бу ҳақда Movistar хабар тарқатмоқда.

Юқоридаги манбага кўра, 29 ёшли испаниялик футболчи “Қироллик клуби” билан амалдаги шартномасини узайтириш бўйича келишувга эриша олмаган. Унинг амалдаги келишуви ёзда ўз ниҳоясига етади ва шу сабабли, у янги жамоасига эркин агент сифатида текинга бориб қўшилиши мумкин.

Бундан аввалроқ, Васкесга Хитой клубларидан бир қатор таклифлар келиб тушган эди.

Васкес “Реал” тарбияланувчиси ҳисобланади. У жорий мавсум 13 та ўйинда майдонга тушди ва жамоасининг 2 та голига ассистентлик қилди.