Велоспортчиларимиз Олимпиадани 51- ва 70-ўринда якунлашди

Бундан бироз аввал Париж-2024 Олимпия ўйинларининг велошоссе бўйича аёллар ўртасидаги гуруҳ пойгалари ўз якунига етди. 158 км масофага ўтказилган баҳсларда стартга чиққан икки нафар вакилмиз - Янани Кускова ҳамда Ольга Забелинския совринли ўринларни эгаллай олмади. Аниқроғи, Янина Кускова маррага 51-ўринда, Ольга Забелинская эса 70-ўринда етиб келди.

Ушбу пойгаларда АҚШ вакили Кристиен Фаулкнер ғолибликни қўлга киритди. Кумуш медаль нидерландиялик Мариан Вос ҳамда бронза медаль бельгиялик Лотте Копекига насиб этди.