"Венеция" – "Рома": Мезбонлар ҳисобда олдинга чиқиб олди (матнли трансляция)

Италия А Сериясининг 12-туридан ўрин олган "Венеция" ва "Рома" жамоалари ўртасидаги ўйин бошланмоқда. Мазкур ўйиндан матнли трансляцияни сайтимиз орқали кузатиб боришингиз мумкин:

• 90+5'
  

  Учрашув якунланди. Шомуродовнинг самарали ҳаракатлари "Рома" очко олиши учун етарли бўлмади.

• 90+4'

  Карлес Переснинг зарбасига аниқлик етишмади.

• 90+3'

  Майдон эгалари оёғига тўп тушиши биланоқ, жарима майдонидан узоқлаштирмоқда.

• 90+1'

  Николо Заниолонинг уриниши муваффақиятсиз якунланди.

• 90'
  

  Ўйиннинг асосий вақтига 5 дақиқа қўшиб берилди.

• 90'

  Тома Анрининг кучли зарбасидан кейин дарвоза тўсини титради!

• 88'

  Сўнгги дақиқаларни Моуриньо шогирдлари нисбатан фаолроқ ўтказмоқда.

• 86'

  Римликлар рақиб жарима майдони атрофида фаолликни оширмоқда. Дарвозага томон берилган оҳиста зарбани эса, дарвозабон ушлаб олди.

• 84'
  

  ВУУҲ! Патрисиу кетма-кет иккита ажойиб сейв амалга ошириб, жамоасини голдан қутқарди

• 82'
  

  Элдор Шомуродов ўрнига Майораль туширилди. Рик Карсдорп ўрнини Никола Залевскига бўшатиб берди

• 77'
  

  Сигурдсонга нисбатан қўполлик ишлатган Абрахам огоҳлантирилди

• 76'
  

  "Рома" сафида ўзгариш: Эл-Шаарави ўрнига Заньоло туширилди

• 75'
  

  ГОООООООЛ! Дарвозабон билан бирга-бир вазиятга чиқиб борган Окереке дарвозабонни осонликча ортда қолдирди.

• 74'

  ВУУУУҲ! Абрахамнинг кучли зарбасига бироз аниқлик етишмади. Ромеро жойида қотиб қолганди

• 73'

  Окереке ҳужумга ўтишда фол ишлатди. Қолаверса, ҳужумчи ўйиндан ташқари ҳолатда ҳам эди

• 70'

  Пеллегрининг узатмасини рақиб футболчилари қайтариб юборди

• 68'

  Ҳозиргина майдонга тушган Перес қулай имкониятдан фойдалана олмади

• 66'
  

  "Рома"да ўзгариш: Кубуля ўрнига Карлос Перес туширилди

• 65'
  

  ГОЛ! Араму 11 метрлик нуқтадан адашмади. Футболчи Патрисиуга ҳеч қандай имкон қолдирмади

• 63'
  

  Пенальти! "Рома" дарвозаси томон

• 60'

  Арамунинг жарима тўпидан йўллаган зарбаси жонли деворга тегиб қайтди

• 59'

  Арамунинг узоқдан йўллаган зарбаси анча ноаниқ чиқди

• 57'

  Абраҳам ҳужумда фол ишлатди

• 55'

  Шомуродовнинг узатмасидан сўнг Стефан Эл-Шаарави дарвоза томон ерлатиб зарба йўллади. Ромеро оёқлари орасидан ўтиб кетаётган тўпни эгаллаб олди

• 53'

  Қаотдан узатилган пасни Серхио Ромеро эгаллаб олди

• 48'

  ВУУУУҲ! "Рома" футболчисининг бош билан йўллаган зарбасини рақиб футболчиси чизиқдан қайтарди. Қойил

• 46'
  

  Иккинчи бўлим бошланди

• 45'

  Жамоалар майдонга қайтди. Иккинчи тайм бошланиш арафасида

• 45+2'
  

  Биринчи бўлим якунланди. Ҳозирча меҳмонлар 2:1 ҳисобида олдинда

• 45+2'
  

  ГОООООООООЛ! Элдор Шомуродовнинг узатмасидан сўнг Абрахам "бўрилар"ни ҳисобда олдинга олиб чиқди

• 43'

  Жарима майдони ичидаги пала–партишликдан сўнг легионеримиз тўпни дарвозага жойлаб қўйди

• 43'
  

  ГООООООООООЛ! Элдор Шомуродоооооооооооов! Ҳисобни тенглаштирди

• 37'
  

  "Рома" бурчак тўпидан унумли фойдалана олмади

• 36'

  Окереке осонликча рақиб жарима майдони ичига кириб, бориб зарба йўллади. Ноаниқ

• 35'

  Абрахам тўпни Пеллегринига узатди. Лоренцонинг зарбаси кучсиз чиқди

• 32'

  Стефан Эл-Шаарави узоқ масофадан ўз омадини синаб кўрди. Дарвозабон қийинчиликсиз тўпни эгаллаб олди

• 28'

  Стефан Эл-Шаарви жарима майдони ичида йиқилди ва пенальти сўради. Ҳакам ўйинни давом эттириш кераклигини кўрсатди

• 28'

  ЗАРБАА! Абрахамнинг зарбаси дарвоза устунига тегиб қайтди. Қайтган тўпга "Рома"нинг яна бир футболчиси зарба йўллади, бу сафар ҳимоячилар қайтарди. Веретунинг зарбаси эса анча балан чиқди

• 25'

  Веретунинг қанотдан узатган тўпи дарвозабондан ҳам зтиб кетди

• 22'

  Кьюиннинг зарбаси тўғри Патрисиунинг қўлига бориб тушди

• 19'

  ВУУУҲ! Шомуродов жарима майдонига яқинлашди ва кутилмаганда зарба йўллади, Тўп дарвозанинг ёнгинасидан ўтиб кетди

• 18'

  Абрахамнинг ўткир бурчакдан йўллаган зарбаси рақибга тегиб майдон ташқарисига чиқиб кетди

• 16'
  

  "Рома" футболчиси Манчини ҳакам томонидан огоҳлантирилди

• 13'

  Окереке жарима майдони ичига кириб, зарба йўллади. Ноаниқ

• 10'

  Шомуродовга нисбатан қўполлик ишлатилди

• 9'
  

  Ҳакам ВАРга мурожаат этди ва ҳужумда Пеллегрини ўйиндан ташқари ҳолатда қолиб кетгани маълум бўлди

• 7'
  

  ПЕНАЛЬТИ! Абрахам жарима майдони ичида йиқтилди

• 5'

  Ўтказиб юборилган голдан сўнг "бўрилар" фаолроқ ҳаракат қилишни бошлади

• 3'
  

  ГОООЛ! Майдон эгалари учрашувда ҳисобни очишга эришди. Жарима майдони ичига узатилган тўпни Кальдара дарвозага жойлаб қўйди

• 1'
  

  Учрашувга старт берилди!

• 0'

  Римликлар сафида ҳаракат қилаётган легионеримиз Элдор Шомуродов беллашувни асосий таркибда бошлайди

• 0'

  Ассалому алайкум қадрли футбол мухлислари "Рома" иштирокидаги ўйин бошланмоқда. Жамоалар майдонга тушиб келди