Верстаппен "Мерседес" билан узоқ йиллик шартнома имзолади

Тўрт карра жаҳон чемпиони, "Ред Булл" ҳайдовчиси Макс Верстаппенга тегишли "Verstappen Racing" жамоаси "Мерседес" билан GT пойгалари учун автомобиллар етказиб бериш бўйича кўп йиллик шартнома имзолади. Бу ҳақда жамоа матбуот хизмати хабар берди.

GT World Challenge Europe чемпионатининг навбатдаги мавсумида жамоа "Мерcедес-АМГ GT3" автомобилидан фойдаланади.

"Verstappen Racing" жамоаси "Мерcедес-АМГ GT3"ни GT World Challenge Europe’да намойиш этишга қарор қилганидан жуда хурсандмиз. "2 Seas Motorsport" жамоаси туфайли лойиҳани жуда тажрибали жамоа қўллаб-қувватламоқда, улар аллақачон автомобилимиз билан кўплаб ютуқларга ва чемпионлик унвонларига эришган. Шунинг учун биз ушбу ўта амбицияли ва истиқболли лойиҳадан, шунингдек, Sprint Cup ва Endurance Cup GT World Challenge Europe мусобақаларида яна бир биринчи даражали иштирокчи пайдо бўлганидан жуда хурсандмиз", - дея шартнома имзоланишига изоҳ берди "Мерседес" вакили Штефан Вендл.