Вертонген учун А Сериянинг 3 та клуби кураш олиб боради

"Наполи" ва "Рома" клублари "Тоттенхэм" ҳимоячиси Ян Вертонген учун кураш олиб боради. Бу ҳақда La Gazzetta dello Sport нашри хабар тарқатмоқда.

Таъкидлаш керакки, даставвал бельгиялик футболчи ёзда "Интер"га ўтиши мумкинлиги ҳақида хабарлар тарқалган эди. Бироқ, энди курашга "Наполи" ва "Рома" ҳам қўшилди. “Нерадзуррилар” устози Антонио Конте эса Вертонген билан шахсан гаплашиб, уни Миланга келишга кўндирмоқчи.

Ян Вертонген жорий мавсум “Тоттенхэм” сафида 26 та ўйинда майдонга тушди ва 2 та гол ҳамда 1 та голли узатмага муаллифлик қилди. Унинг “шпорлар” билан амалдаги шартномаси ёзда ўз ниҳоясига етади.