"Vest Xem" 43 yil kutilgan sovrinni yutib bergan murabbiy bilan shartnoma uzaytirildi

Devid Moyes "Vest Xem" bilan yangi shartnoma imzoladi. 

Shotlandiyalik mutaxassis "bolg‘achilar" bilan kelishuvni 2025/26 yilgi mavsum so‘nggiga qadar uzaytirdi. 60 yoshli shotlandiyalikning amaldagi bitimi 2024 yilning 30 iyuniga qadar mo‘ljallangan edi. 

19 turdan so‘ng londonliklar Premer-liga turnir jadvalida 6-o‘rinni band etib turibdi. Shuningdek, jamoa Evropa ligasining 1/8 finaliga yo‘l olgan. 

Qayd etish lozim, o‘tgan mavsumda Moyes "Vest Xem" bilan birgalikda Konferentsiyalar ligasida zafar quchgan va 43 yil ichida ilk sovrinini qo‘lga kiritgandi.