"Вест Хэм" 43 йил кутилган совринни ютиб берган мураббий билан шартнома узайтирилди
Айни дам жамоа АПЛда 6-ўринни банд этиб турибди
Дэвид Мойес "Вест Хэм" билан янги шартнома имзолади.
Шотландиялик мутахассис "болғачилар" билан келишувни 2025/26 йилги мавсум сўнггига қадар узайтирди. 60 ёшли шотландияликнинг амалдаги битими 2024 йилнинг 30 июнига қадар мўлжалланган эди.
19 турдан сўнг лондонликлар Премьер-лига турнир жадвалида 6-ўринни банд этиб турибди. Шунингдек, жамоа Европа лигасининг 1/8 финалига йўл олган.
Қайд этиш лозим, ўтган мавсумда Мойес "Вест Хэм" билан биргаликда Конференциялар лигасида зафар қучган ва 43 йил ичида илк совринини қўлга киритганди.
Изоҳлар (0)