"Вест Хэм" Деклан Райснинг "Арсенал"га ўтганини тасдиқлади

"Вест Хэм" ярим ҳимоячи Деклан Райсни "Арсенал"га ўтганини эълон қилди. Бу ҳақда "болғачилар"нинг расмий сайти хабар берди. Бу Англия футболи тарихидаги рекорд трансфер ҳисобланади.

Аввалроқ, 24 ёшли ижрочининг трансфери учун "канонирлар" ҳамшаҳарига 105 миллион фунт, яъни 122 миллион евро тўлаши хабар қилинганди.

Деклан "Вест Хэм" академияси битирувчиси ҳисобланади. Англиялик ярим ҳимоячи 2017 йилнинг ёзидан бери лондонликлар шарафини ҳимоя қилиб келмоқда. Райс ўтган мавсумда премьер-лигада 37 та ўйинда майдонга тушиб, 4 та гол ва 2 та голли узатмага муаллифлик қилди.