"Вест Хэм" Жесси Лингарднинг трансферини тўлиқ сотиб олмоқчи

“Вест Хэм” бош мураббийи Дэвид Мойес мавсумни “болғачилар” сафида ижарада ўтказаётган “Манчестер Юнайтед” ярим ҳимоячиси Жесси Лингарднинг трансферини сотиб олиш истаги борлиги ҳақида гапирди.

“Лингард “Вест Хэм”га ўтишни анчадан буён хоҳларди. Жесси менга бизнинг жамоамизда ўйнаш истаги борлигини айтган. У бизнинг жамоамизни ўзи учун энг яхши жой деб ҳисоблайди. Умид қиламанки, мавсум охирида биз унинг трансферини тўлиқ сотиб оламиз”, - деди шотландиялик мутахассис.

Эслатиб ўтамиз, 28 ёшли англиялик футболчи “Вест Хэм” сафига жорий қишки трансферлар даврида ижара асосида кўчиб ўтди. У ўтган давр мобайнида АПЛда 6 та ўйинда майдонга тушди ва 4 та гол ҳамда 1 та голли узатмага муаллифлик қилди.