Виейра фаолиятини МЛСда давом эттириши мумкин
“Ницца” клуби бош мураббийи Патрик Виейра фаолиятини МЛСда давом эттириши мумкин. Бу ҳақда The Telegraph нашри хабар тарқатмоқда.
Юқоридаги манбаага кўра 43 ёшли франциялик мутахассиснинг хизматларига англиялик футбол юлдузи Дэвид Бекхэмга тегишли бўлган “Интер Майами” клуби жиддий қизиқиш билдира бошлаган. Бироқ, АҚШ жамоаси Виейрани қўлга киритиш учун “Ницца”га шартномада кўрсатилган товон пулини тўлаши керак.
Маълумот учун, Патрик Виейра 2018 йилнинг июнидан буён “Ницца”ни бошқариб келмоқда. Жамоа унинг қўл остида жорий мавсум бор йўғи 15-ўринда бормоқда.
Фикрлар