Винисиус “Реал”дан кетиш масаласига ойдинлик киритди

“Реал” юлдузи Виниус Жуниорнинг ёзги трансферлар вақтида Мадриддан кетиши мумкинлиги энг кўп муҳокама қилинаётган мавзулардан ҳисобланади.

Саудия Арабистони клублари бразилиялик футболчини ўз чемпионатига чорламоқда ва бу трансфер учун пул аямаслигини билдиряпти.

Винисиуснинг ўзи келажагига ойдинлик киритди.

- Мен жуда хотиржамман, чунки “Реал” билан 2027 йилнинг ёзигача давом этадиган шартномам бор. Ҳамкорликни узайтирилишини сабрсизлик билан кутяпман.

“Реал” – мен учун энг яхши жой. Бу ерда энг зўр футболчилар билан бирга ўйнаяпман. Жуда бахтиёрман, - деди Винисиус Жуниор.

24 ёшли ҳужумкор футболчи “Реал”да 2018 йилдан бери тўп тепмоқда. Ҳозирга қадар барча турнирларда 300 та учрашув ўтказиб, ўз ҳисобига 102 та гол ва 76 та ассист ёздириб қўйди.