Винисиус, сен бу жамоага тўғри келмайсан!

«Уотфорд» собиқ футболчиси Трой Дини Мадриднинг «Реал» клуби  ҳужумчиси Винисиус Жуниорнинг Лондоннинг «Арсенал» жамоасига эҳтимолий ўтиши юзасидан ўз фикрларини билдирди.

- Агар бу трансфер амалга ошса, лига учун жуда катта ютуқ бўлади. Винисиус – жаҳон даражасидаги юлдуз. Лекин шахсан менга бу ўтиш варианти маъқул эмас. Унинг ўйин услуби “канонирлар” услубига тўғри келмайди, деб ўйлайман. 

Артетага ҳам бразилиялик футболчининг характери ёқиши қийин. Унга бу жамоага мослашиш жуда оғир бўлади, – дея таъкидлади Дини Talksport нашрининг ютуб-каналида.

Винисиус 2018 йил ёзидан буён «Қироллик клуби» шарафини ҳимоя қилиб келмоқда. Унинг амалдаги шартномаси 2027 йил июни охиригача мўлжалланган. Футболчининг тахминий бозор қиймати 140 миллион евро атрофида баҳоланмоқда.