Вирц бир ўйинчидан қўрқиб, бошқа жамоа танлади

“Байер” етакчиси Флориан Вирц Европанинг бир неча катта клублари ўртасида талаш бўляпти. 22 ёшли племейкер бу ёз ўзига янги жамоа танлаши керак.

Яқингача леверкузенликлар етакчисини олиш учун “Бавария” фаворит саналаётган эди. Мюнхенликлар бош мураббийи Венсан Компани бир соат давомида Вирц билан суҳбат қилиб, унга режаларини тақдимот орқали тушунтириб берган.

Бироқ бельгиялик мутахассис учрашувдан кейин ўйинчини ҳамкорлик қилишга мойиллиги йўқлигини сезганини билдирди.

Süddeutsche Zeitung нашрининг ёзишича, Флориан мюнхенликлар етакчиси Жамол Мусиала билан рақобатда чўчигани учун “Бавария”га қўшилишга рози бўлмаган.

Бошқа манбалар Флориан Вирцга “Ливерпуль” варианти маъқул келганини ёзмоқда. Арне Слот ўз лойиҳасида немис футболчисига асосий роллардан бири бермоқчи экани айтилмоқда.