Витинья Мюнхен сафари олдидан жамоадошларини огоҳлантирди

​ПСЖнинг “Бавария” устидан қозонган 5:4 ҳисобидаги ғалабасидан сўнг жамоа етакчиси  Витинья ўйиндан мамнун эканини билдирди.

Бироқ, португалиялик футболчи якуний натижадан қониққан бўлса-да, ўйин сценарийсидан (учрашув тугашига 30 дақиқа қолганида ПСЖ 5:2 ҳисобида олдинда бораётган эди) бироз афсусда эканлигини яширмади.

-  Биз хурсандмиз, ғалаба қозондик. “Бавария”га қарши ўйин ҳар доим қийин кечади. Ажойиб футбол гувоҳи бўлдик, бу менинг ҳаётимдаги энг яхши ўйин эди.

Мусобақанинг жуда муҳим боқичида икки кучли жамоа тўқнаш келди. Ғалаба қозонганимиздан бахтиёрмиз, лекин кўрдикки, бу кейинги босқичга чиқиш масаласи ҳал бўлди дегани эмас.

​Биз Мюнхенга худди “Челси” ва “Ливерпуль”га қарши ўйнагандек, бор кучимиз билан фақат ғалаба учун курашишга борамиз. Бу натижа бизга ўзимизга бўлган ишончни беради, барибир ғалаба қозондик-ку. Аммо айтганимдек, ҳали ҳеч нарса ҳал бўлгани йўқ, - деди Витинья.