Влахович Холанддан кучли!

Сербия футбол федерацияси президенти Ненад Бжекович сербиялик Душан Влаховични "Манчестер Сити" ҳужумчиси Эрлинг Холанд билан таққослади. 

"Влахович Холанддан кучли. У яхшироқ савияда, деб ҳисоблайман. 

Норвег катта кучга эга ажойиб форвард. Бироқ Душан ҳам ундан кам эмас. 

"Ювентус" ҳужумчиси хилма-хил ўйин намойиш эта олади. Унинг яширин устунлиги ҳам шунда, менимча", - деди президент.

Маълумот ўрнида, Холанд ўтган мавсум Бундеслиганинг 23 ўйинида 20 гол ва 5 ассист қайд этган. Влахович эса А Сериянинг 36 баҳсида 24 гол ва 5 голли узатма муаллифига айланган.