"VVFC-4" турнирининг марказий жанги аниқ. Тожикистоннинг машҳур жангчиси ўзбекистонлик истеъдодга қарши жанг қилади!

  • 1 сентябрь, 17:29
  • 0
  • MMA

Хабар бериб ўтганимиздек, 29 сентябрь куни Тошкент шаҳрида "VVFC-4" турнири ташкил этилади.

Мазкур ММА кечасида юртимизнинг маҳоратли жангчилари қаторида хорижлик кўзга кўринган спортчилар ҳам октагонга кўтарилади. 

Марказий жанг эса янада қизиқарли ўтиш турган гап. Сабаби, тожикистонлик МДҲ мамлакатларида катта шухрат қозонган, "Метро Люблино работаем" челенджи билан машҳур Саймўмин Мадиев ҳамюртимиз истеъдодли Раҳимжон Ражабалиевга қарши баҳс юритади.

Ушбу қарама-қаршилик супер енгил вазн (56,7 кг) тоифасида ўтказилади.

Маълумот учун, Мадиевнинг кўрсаткичи 5-0 сифатида қайд этилган бўлса, Ражабалиевнинг рекорди 3-0 кўриниш олган.

Фикрлар

Фикр қолдириш учун авторизациядан ўтинг!