ВХЛга яна иккита клуб қўшилди

Россия Федерацияси Ростов-на-Дону шаҳри шарафини ҳимоя қиладиган "Ростов" ва Хитой пойтахти Пекиннинг "ШоуГан" жамоалари жорий йилги мавсумдан ВХЛда иштирок этади. Рус клуби 2013 йилда ташкил этилган бўлиб, 2015 йилда РХЛда зафар қучган. 2015/16 йилги мавсумдан эса ВХЛ биринчилигида иштирок этиб, икки бор (2017 ва 2019) ғолибликни қўлга киритган.

"ШоуГан" эса бу йил КХЛда иштирок этадиган "Кунлунь Ред Стар" клубининг фарм-клуби сифатида ташкил этилди. Шу тариқа ВХЛ иштирокчилари сони 34 тага етди. Бундан бир муддат илгари тасдиқланган тақвим яқин кунлар ичида таҳрирланадиган бўлди.

Эслатиб ўтамиз, сентябрь ойида старт оладиган мазкур чемпионатда Тошкентнинг "Ҳумо" клуби ҳам иштирок этади.