WBAнинг янгиланган рейтингида ўзбек боксчилари қайси поғоналарни банд этди?

Бутунжаҳон Бокс Ассоциацияси (WBA) август ойи учун янгиланган рейтингини эълон қилди. Унда бир қатор ўзбекистонлик боксчиларнинг ўринларида ўзгариш юзага келган.

Жумладан, супер ўрта вазнда (76.2кг) Бектемир Мелиқўзиев ва ярим оғир вазнда Рустам Тўлаганов (79.3кг) ўтган ойдаги 15-ўриндан 14-поғонага кўтарилди. Супер ярим ўрта (69.8кг) вазнда Исроил Мадримов 2-ўриндан бир поғона юқорилади ва рейтингда пешқадамликни ўз қўлига олди. Исроил Мадримов ҳозирда жаҳон чемпионлик камари учун мажбурий даъвогар ҳисобланади. 

Супер енгил вазнда (63.5кг) ўзгариш бўлмади. Шоҳжаҳон Эргашев 7-ўринда, Шаҳрам Ғиёсов 6-ўрнини сақлаб қолди. Муроджон Aҳмадалиев ўз вазнида (55.2кг) WBA ва IBF чемпиони сифатида қайд этилган.