WBC ва WBО чемпиони Стивен Фултон Муроджон Аҳмадалиев жангига муносабат билдирди

Хабар бериб ўтганимиздек, Муроджон Аҳмадалиев ўзига тегишли бўлган WBА ва IBF камарларини Ронни Риосдан ҳимоя қилди ва 12-раундда муддатидан олдин ғалаба қозонди.

Ушбу баҳс якунига етганда WBC ва WBO камарлари эгаси Стивен Фултон ўзининг Twitter саҳифасида уни жангга чорлади.

"Кел бу жангни (мутлақ чемпионлик учун) ташкил этайлик",- деб пост қолдирган Фултон.

Шунингдек, бир фойдаланувчи Аҳмадалиевнинг жанги ҳақида Фултоннинг фикри қизиқ, дея ёзган изоҳига Фултон "осон иш", (Аҳмадалиевни мағлуб этиш назарда тутилмоқда) деб жавоб қайтарди.

Стивен Фултон PBC компанияси шоуларида рингга кўтарилади ва унинг жанглари Show Time каналида трансляция қилинади. Муроджон Аҳмадалиев эса Matchroom компанияси мижози бўлиб, у иштирок этадиган бокс оқшомлари DAZN платформасида эфирга узатилади. Мазкур факторлар сабаб жангни ташкил этиш бироз қийинчилик туғдиради.

Муроджон Аҳмадалиев баҳсдан кейинги интервьюсида рақиб ким бўлишидан қатъий назар фарқи йўқлигини ва Matchroom раҳбари Эдди Хирн қайси йўлни маъқул деб билса, у тайёр эканини билдириб ўтди.

Муроджон Аҳмадалиев ва Ронни Риос жанги муддатидан олдин якунланди (Видео)

Муроджон Аҳмадалиев жанг қилган оқшомнинг марказий баҳси ҳам муддатидан олдин якунлади (видео)