WBO yanvar oyi uchun yangilangan reytingni e’lon qildi. O‘zbekistonlik bokschilar qaysi o‘rinlarni band etgan?
Professional boksning tayanch tashkilotlaridan biri hisoblangan, Butunjahon boks tashkiloti (WBO) yanvar oyi uchun yangilangan reytingni e’lon qildi.
Unga ko‘ra, 4 nafar charm qo‘lqop ustalarimiz kuchlilar qatorida qayd etilgan. Super o‘rta vazn toifasida (76,2 kg) WBO Global kamari egasi Bektemir Meliqo‘ziev 11-o‘rinni egallab turgan bo‘lsa, super engil vaznda (63,5 kg) faoliyat olib borayotgan Shohjahon Ergashev 6-o‘rinda qayd etilgan. O‘ta engil vazn toifasida (50,8 kg) WBO Oriental kamari egasi Olimjon Nazarov hamon 4-o‘rinni band etgan, shuningdek, birinchi o‘ta engil vaznda (48,9 kg) Xasanboy Do‘smatov 8-o‘ringa joylashgan.
Fikrlar