Хаби Алонсо “Челси”га беш футболчи олиб келмоқчи. Биринчи номзод аниқ

“Челси”ни қабул қилиб олган янги бош мураббий Хаби Алонсо ўзи қўл ураётган лойиғани амалга ошириш учун ёзги трансферлар вақтида беш нафар футболчи сотиб олишни режалаштирмоқда.

TEAMtalk нашри маълумотига кўра, испаниялик мураббийнинг биринчи нишони машҳур ҳужумчи Виктор Осимхен бўлади.

Сўнгги мавсумларни Туркиянинг “Галатасарой” клубида ўтказган Осимхенни Хаби Алонсо жамоасининг асосий ҳужумчисига айлантиришни мўлжаллаган. Осимхен атрофида янги жамоа шакллантирилади.

Шу тариқа, “Стэмфорд Бридж”да катта ўзгаришлар бўлиши кутилмоқда.

Виктор Осимхен 2025 йилда Италиянинг “Наполи” клубидан “Галатасарой”га 75 миллион еврога трансфер қилинган эди. Унгача нигериялик футболчи турк клубида бир мавсум ижарада ўйнади.

Унинг шартномаси 2029 йил 30 июнгача амал қилади.

Жорий мавсумда нигериялик футболчи турк клуби сафида барча турнирларда 33 та ўйин ўтказиб, 22 та гол урди ва 8 та голли узатмани амалга оширди.