Хаби Алонсо “Челси”га учта зўр тўпурар танлади

Бу ёзда “Челси” ҳужум чизиғини янги футболчилар билан кучайтирмоқчи. Айниқса, Жоао Педронинг “Барселона”га ўтиши мумкинлиги фонида бу масала янада долзарб бўлиб турибди.

Англия оммавий ахборот воситаларининг маълумотларига кўра, Хаби Алонсо қуйидаги ҳужумчиларни жамоага таклиф қилишни истамоқда.

Виктор Осимхен (“Галатасарой”)

Турк клуби нигериялик марказий ҳужумчи учун тахминан 100 миллион евро талаб қилиши мумкин. Шунингдек, футболчининг юқори маош талаблари ҳам муаммо туғдириши эҳтимолдан холи эмас. Бироқ Виктор Осимхен қаерда ўйнамасин, доим кўп гол урадиган ҳужумчи сифатида танилган.

Хулиан Альварес (“Атлетико” Мадрид)

Айтилишича, аргентиналик форвард “Челси” учун энг маъқул вариант ҳисобланади. Аммо асосий муаммо шундаки, Альвареснинг ўзи фақат “Барселона”дан таклиф бўлган тақдирдагина “Атлетико”ни тарк этишга тайёр.

Игор Тиаго (“Брентфорд”)

Бразилиялик ҳужумчи жорий мавсумда Англия Премьер-лигасида 22 та гол урди ва Бразилия миллий терма жамоасининг жаҳон чемпионати учун қайдномасига киритилди.  Бу вақтда Жоао Педро терма жамоа рўйхатидан четда қолди.

Игор 2026 йил февраль ойида “Брентфорд” билан 2031 йилгача мўлжалланган янги шартнома имзолаган бўлса-да, бу унинг ёзда клубини ўзгартиришига тўсқинлик қилмаслиги мумкин.