Xabi Alonso: "Mbappe motivatsiyaga ega va bu jamoaga ta’sir qilyapti"

Madridning "Real" klubi bosh murabbiyi Xabi Alonso La Liga 2-turidan o‘rin olgan "Ovedo"ga (3:0) qarshi o‘yindan so‘ng jamoaning frantsiyalik hujumchisi Kilian Mbappening o‘yini haqida gapirdi. Hujumchi yangi mavsumning dastlabki ikki turida uchta gol urdi.

"U Klublar o‘rtasidagi Jahon chempionatida tashlangan to‘rt kilogramm vaznini qaytardi. O‘tgan mavsum haqida ko‘p gapira olmayman, chunki men bu erda bo‘lmaganman. O‘ylaymanki, unda hammasi joyida, u motivatsiyaga ega va buni jamoaga o‘tkazmoqda. Uning bu burilishlarni qanday bajarishini ko‘rish menga yoqadi. Uning gol urishini bilamiz, ammo bunday masofalarni bosib o‘tganimizda, to‘p bilan ham, to‘psiz ham bir maromda harakat qilyapmiz.

U bugun ajoyib o‘ynadi. Biz hali ham takomillashmoqdamiz va nimalarni yaxshilashimiz kerakligini ko‘ryapmiz. Bu erda juda qisqa vaqt bo‘lsak-da, menimcha, jamoada ijobiy kayfiyat mavjud", - deya Alonsoning so‘zlarini keltirdi klub matbuot xizmati.