Хаби Алонсо: "Хатолардан сабоқ оламиз"

Хаби Алонсо "Байер"нинг "Лейпциг"дан учралган мағлубият(2:3) ҳақида гапириб ўтди.

Леверкузенликларнинг кечаги ўйиндаги мағлубияти уларнинг Бундеслигадаги 35 ўйиндан иборат мағлубиятсиз сериясига чек қўйди. Ўтган мавсумда "доришунослар" бирорта ҳам ўйинда мағлуб бўлмаган ҳолда чемпион бўлган эди.

"Ушбу ўйинда ижобий ва салбий томонлар кўп бўлди. Биринчи бўлимда яхши ўйнадик. Иккинчи бўлимда муваффақиятимизни мустаҳкамлашни хоҳладик. Аммо биз ўйин назоратини қўлдан чиқардик ва рақибимизга жуда кўп жабхаларни бой бердик. Ҳимояда яхши ҳаракат қилмадик. Биз биргаликда ҳужум қилишимиз ва ҳимоя қилишимиз керак.

Халқаро танаффусда бу борада ишлаймиз. Биз хатолардан сабоқ оламиз. Ҳисоб 2:0 бўлиб турганда рақибни ортга қайтаришга йўл қўйиш яхши эмас. Лекин бу жараённи тузата олишимизга ишончтм комил. Чунки фақат мавсум бошидамиз", - деди "Байер" бош мураббийи.