Хабиб Нурмагомедовнинг ҳисоблари блокланди

Федерал Солиқ хизмати  собиқ UFC чемпиони Хабиб Нурмагомедовни солиқларни тўламагани учун ҳисобларини блоклади. Бу ҳақда "Маш" телеграм-канали хабар берди.

Манбага кўра, Федерал солиқ хизмати жангчининг иккита компанияси: “Футбол тўпи музейи” ҳамда “Таълим, спорт ва ижтимоий ташаббусларни ривожлантириш жамғармаси”нинг ҳисобларини блоклаган. Аввалроқ, Eagle FC, Нурмагомедов хайрия фонди ва Ҳикмет Травел сайёҳлик компаниясининг аккаунтлари билан ҳам шундай ҳолат содир бўлган эди.

Эслатиб ўтамиз, ёзда Нурмагомедов солиқ идоралари билан муаммоларга дуч келганди. Ўшандаги текширувларга Хабиб ташкилотларининг расмий ҳужжатларидаги нотўғри маълумотлар сабаб бўлган. Доғистонликнинг умумий қарзи август ойида 300 миллион рублдан сал кўпроқни ташкил этди.