Хамзат Чимаев: "Конор МакГрегорни ҳурмат қиламан, бироқ..."

Хамзат Чимаев Конор Макгрегорнинг Ҳабибга қарши жанг учун тайёргарлик кўришда ёрдам берганлиги ҳақидаги хабарга ўз муносабатини билдирди.

"Бу ёлғон! Конорга чеченистонлик спарринг- рақиб керак бўлганди ва буни интернетда эълон қилишган. Менга қўнғироқ қилиб, уни уришимни сўрашган. Аслида, бу мен хоҳлаган иш эди. Аммо Ҳабибга қарши жанг учун тайёргарлик ҳақида гап бўлмаганди. Агар, МакГрегор жанг қилишни истаса, мен ҳозир ҳам уни уришни хоҳлайман. Албатта, Конорнинг эришган ютуқларини ҳурмат қиламан, бироқ у тилини тиймайди",- дея изоҳ берди Чимаев.