Хамзат Чимаевнинг организми вазн ташлашга дош беролмади!

Хамзат Чимаевнинг акаси Артур Чимаев чеченнинг Шон Стриклэндга нима учун мағлуб бўлганини тушунтирди.

"Белгиланган меъёрга етиш учун 1,2 кг вазн ташлаш қолганда организм чидай олмади. Бизга соатлаб танаффус беришди, чунки соғлиқ имконият бермаётганди. Лекин якунда барибир меъёрни бажардик. Жанг пайти - иккинчи раундда организм тикланмагани аниқ бўлди. Одамларда саволлар борлигини тушунаман. Нима учун қисқа вақтда шунча вазн туширишга қарор қилинган?! UFC билан дастлабки келишувга кўра, Чимаев Иржи Прохазкага қарши 93 кг да октагонга чиқиши керак эди. Бироқ кейин Хамзатга телефон қилишиб, Шон билан жанг қилиш сўралди. Укам эса баҳсни қабул қилди ва 105 кг дан 84 кг га тушди.

Очиғи, вазн ташлаш пайти Хамзат деярли ҳушини йўқотди. Кислород етишмади. Вазн ўлчашдан кейин ҳам Хамзат фақат 5-6 килограмм қўша олди", - деди Артур.