"Ханчжоу-2022": Абдумалик Халаковдан супер жанг ва ишончли ғалаба!

Осиё ўйинларида -57 кг вазн тоифасида рингга кўтариладиган, таъбир жоиз бўлса, турнирнинг ғолиблигига асосий даъвогар вакилимиз Абдумалик Ҳалаков ҳам мусобақада ўз юришини бошлади.

Юртдошимиз Хитой Тайпейи вакили Ченг Веи Лига қарши рингга кўтарилди. Албатта, ушбу жангда яққол фаворит саналган Халаков ўзига билдирилган ишончни оқлаган ҳолда, катта устунлик билан ғалаба қозонди. Якуний ҳисоб 5:0 кўриниш олди.

Ҳамюртимиз кейинги босқичда Вьетнам вакили Ван Нгуенга қарши баҳс юритади. Шу тариқа бугунги кунги дастурдан ўрин олган боксчиларимизнинг чиқиши ўз якунига етди.