Ханс-Дитер Флик ҳалигача Карло Анчелоттига ютқазмаган

Бугун Ла Лиганинг 35-турида бўлиб ўтган "Барселона" – "Реал" учрашувида каталонияликлар 4:3 ҳисобида зафар қучишди. Бу натижа билан Ханс-Дитер Фликнинг Карло Анчелоттига қарши шахсий ҳисобдаги устунлиги яна мустаҳкамланди.

Флик ва Анчелотти мураббий сифатида тўрт марта тўқнаш келишган. Барчасида немис мутахассиси ғалаба қозонган:

2 та ўйин – Ла Лигада,

1 та – Кубок финалида,

1 та – Суперкубок финалида.

Ушбу тўрт беллашувда "Барселона" рақиб дарвозасини 16 марта ишғол қилган, "Реал" эса 7 гол киритган.