Харри Кейн: "Ливерпуль" ютиб бўлмас жамоа эмас

“Тоттенхэм” клуби форварди Харри Кейн бугун АПЛнинг 10-туридан ўрин олган “Ливерпул”га қарши бўлиб ўтадиган ўйиндан олдин ўз фикрларини билдириб ўтди.

“Бизни оғир ўйин кутмоқда. Биз бугун шунчаки бор эътиборимизни ўз ўйинимизга қаратиб, худди “Црвена Звезда”га (5:0) қарши кўрсатган ўйинимизни қилишимиз керак.

Бундай ўйинларда куч, фидойилик биринчи ўринга чиқади ва ким ғолиб бўлишни хоҳласа, майдонда кўпроқ меҳнат қилади.

“Ливерпуль” ютиб бўлмас жамоа эмас. Исталган жамоани ютса бўлади ва биз буни бугунги ўйинда кўрсатишга ҳаракат қилишимиз керак”, - дейди Кейн.

Эслатиб ўтамиз, “Ливерпуль” – “Тоттенхэм” учрашуви бугун 21:30 да бошланади.