Хаусен: "Совринлар ютишни жуда истайман — бу орзуларим рўёби бўлади"

"Реал" ҳимоячиси Дин Хаусен Чемпионлар лигасида "Монако" устидан қозонилган 6:1 ҳисобидаги ғалабани изоҳлади.

"Биз учун ажойиб кеча бўлди. Жуда яхши ўйнадик. Охирги икки-уч ой мен учун осон кечмади — тез-тез жароҳат олдим, ҳатто жароҳат билан ҳам майдонга тушган пайтларим бўлди. Ҳозир эса ўзимни яхши ҳис қилаяпман. Мураббий менга ёрдам беряпти ва қўллаб-қувватлаяпти. Ростдан ҳам ўзимни бахтиёр ҳис қилаяпман.

“Қуруқ” ўйин ўтказиш қўлимиздан келмади, лекин жамоа сифатида жуда яхши ҳаракат қилдик.

Умид қиламанки, Чемпионлар лигасини ҳам, Ла Лигани ҳам ютиб оламиз. Шунингдек, Испания билан жаҳон чемпионатини ҳам. Бу орзуларим тўлиқ рўёбга чиқиши бўлар эди. Мен совринлар ютишга чанқоқман", — деди Хейсен "CBS Sports"га берган интервьюсида.