Хави 4:3 ҳисоби ҳақида: "Бундай ҳолат фақатгина кубок ўйинида содир бўлиши мумкин"

"Барселона" бош мураббийи Хави Испания кубоги 1/16 финал босқичидан ўрин олган "Интерсити" клубига қарши баҳсдан кейин матбуот анжуманида иштирок этди.

"Бундай ҳолат фақатгина кубок ўйинида содир бўлиши мумкин. Ла Лиганинг етти жамоаси аллақачон турнир билан хайрлашган. Барчасини ўзимиз учун қийинлаштириб юбордик. Рақибдан анча кучлироқ эдик, лекин кераксиз вазиятларда хато қилиб, кўп гол ўтказиб юбордик. Натижада, устунлик қўлимиздан чиқиб кетди.

"Эспаньол"га қарши учрашувда ҳам худди шундай бўлганди: ҳужумларимизга якуний нуқтани қўйишда оқсагандик. Бугун иккинчи бор огоҳлантириш олдик. Хайрият, кейинги босқичдамиз.

Араухонинг сафга қайтгани мени хурсанд қилмоқда. Биз унинг 45 дақиқа ўйнашини режалаштиргандик, лекин у ўзини яхши ҳис қилди. Рональд бизнинг асосий футболчиларимиздан бири, ҳақиқий жангчи ва етакчи. Ундан жуда мамнунман",-деди испаниялик мутахассис.

Каталонияликлар ушбу босқичда 3-лига клубини қўшимча бўлимларда, 4:3 ҳисобида мағлуб этди.