Хави “Барса”га иккита зўр футболчини олиб келмоқчи

Хави “Барселона” таркибини ўзига мослаштиришни давом эттирмоқда. Каталонияликлар тажрибали таянч ярим ҳимоячиси Серхио Бускетс ўрнига бош мураббий талабига жавоб берадиган янги ижрочиларни қидирмоқда.

Клуб тарбияланувчиси ҳисобланган Серхио Бускетс 2008 йилдан бери “Барселона”нинг асосий таркибида тўп тепмоқда ва мавсум охирида шартномаси якунланганидан кейин жамоадан кетиши кутиляпти.

 Marca нашрининг хабар беришича, Хави унинг ўрнига иккита футболчини кўзлаяпти. Улар “Реал Сосьедад” ярим ҳимоячиси Мартин Субименди ва “Вулверхэмптон” юлдузи Рубен Невеш.

Мартиннинг шартномасида бадал суммаси 60 миллион евро қилиб белгиланган. “Вулверхэмптон” португалиялик легионерининг битимида ҳеч қандай нархни кўрсатмаган ва бу масала харидорлар билан музокара вақтида кўриб чиқилади.