Хави "Барселона"ни қачон бошқаришини аниқ айтди

Испаниялик футбол афсонаси Хави "Барселона"га мураббий сифатида қайтишга тайёр эканини айтди.

Айтиш керакки, Хави айни дамда Қатарнинг "Ал-Садд" клубини бошқармоқда.

“Барселона”ни бошқариш – менинг орзум. Клубни яна ғолиблик йўлига қайтаришни хоҳлайман. Мураббийлар штабим билан бунга тайёрланяпмиз. Мен бу лойиҳани нолдан бошламоқчиман.

Клубга президентлик сайловларидан сўнг қайтиш энг зўр пайт бўлади. Мен ҳеч нарсани истисно қилмайман. Январда менга “Барселона”дан қўнғироқ қилишди, аммо бу тўғри пайт эмасди. Улар менга яна қўнғироқ қилишларига умид қиламан”, - дейди Хави.