Хави: "Биз бугун ғалаба қозонишга 100 фоиз ҳақли эдик"

"Барселона"нинг "эл-класико"даги ғалабасидан кейин клуб бош мураббийи Хави ўйин ҳақида гапириб ўтди. 

"Биз бугун ғалабага 100% ҳақли эдик. Ажойиб жамоани мағлуб қилганимдан мамнунман. Бизда кўпроқ имкониятлар бўлди. Шунингдек, тўп назоратида устунлик қила олдик. Улар босимдан чиқиб кета олишди ва муаммолар туғдирди. Аммо биз "Реал"дан кучлироқ эдик", - деди испаниялик мутахассис. 

Хави 2011 йилдан бери биринчи марта мадридликлар устидан бир йил мобайнида 3 марта зафар қучган мураббийга айланди. Сўнгги бор бу ишни Гвардиола амалга оширган. 

Маълумот учун, Пепнинг ўзи ҳам "эл-класико"ни томоша қилиш учун "Spotify Camp Nou" стадионига ташриф буюрди.