Хави: "Биз жамоа сифатида "Реал"дан яхшироқмиз"

Испанияда "Барселона"нинг сўнгги мавсуми ҳақида "Янги давр" номли ҳужжатли фильм премьераси бўлиб ўтди.

Кинода "кўк-анорранглилар" бош мураббийи Хави Эрнандеснинг Ла Лига 29-туридан ўрин олган "Реал"га қарши 4:0 ҳисобида якунланган беллашувдаги сўзлари келтирилган. Испаниялик мутахассис шогирдларини руҳлантириб, уларга кўрсатма берган.

"Майдонда бор кучингизни бериб, ҳамжиҳатликда ҳаракат қилсангиз, биз жамоа сифатида "Реал"дан яхшироқмиз. Агар ҳамма кўрпани ўзига тортса, имкониятни бой бериб қўйишимиз мумкин",-дейди Хави.

Айни пайтда каталонияликлар 14-турдан сўнг турнир жадвалида пешқадамлик қилмоқда. Жамоа "Реал"дан 2 очко олдинда.