Хави Дембеленинг ПСЖга ўтиши мумкинлиги ҳақида гапирди

Каталониянинг “Барселона” клуби бошқарувчиси Хави Эрнандес ярим ҳимоячи Усмон Дембеленинг ПСЖга ўтиши мумкинлиги ҳақидаги хабарларга изоҳ берди.

"Кўряпмизки, Дембеле бизнинг клубда бахтли. Агар бирор нарса юз берса, у бизга хабар беради. Айни пайтда, унга "Барселона"да ҳамма нарса мос келади ", - дея испаниялик мутахассиснинг сўзларини келтиради Фабрицио Романо.

Аввалроқ матбуотда парижликлар Дембеле учун 50 миллион евро тўлашга тайёрлиги ҳақида хабарлар тарқалган эди.

Маълумот учун, франциялик вингер ўтган мавсумда "кўк-анорранглилар" сафида барча турнирларда 35 та ўйинда майдонга тушиб, 8 та гол ва 9 та голли узатмага муаллифлик қилди.