Хави энг зўр ҳужумчилар учлиги айтди. Улар орасида Месси йўқ!

“Барселона” бош мураббийи Хави Эрнандес ҳозирги пайтда жаҳон футболида энг кучли уч ҳужумчи номини айтди.

- Роберт Левандовски ўзи гол уришдан ташқари бутун жамоани ўйнатади. У қачон прессинг қилиш кераклиги яхши билади ва “Барселона”га олдинги чизиқда кўплаб вариантларни юзага келтириб беради. Польшалик ҳужумчи ўйинни яхши тушунади ва жамоадошлари билан майдонда ҳам зўр мулоқот қуради.

Шунинг учун ҳам бугунги куннинг энг зўр ҳужумчиси Левандовскидир. Шунингдек, Карим Бензема ва Эрлинг Холанд ҳам энг яхши уч ҳужумчи қаторида, - деди Хави Эрнандес.

Роберт Левандовски ёзда “Бавария”дан “Барселона”га кўчиб ўтди. Каталонияликлар сафида барча турнирларда бешта учрашувда майдонга тушиб, ўз ҳисобига саккизта гол расмийлаштирди.