Хави: "Испания бўлмаса, Аргентина чемпион бўлсин"

"Барселона" бош мураббийи Хави Қатар мезбонлигида ўтаётган Жаҳон чемпионати фаворитлари ҳақидаги саволга жавоб берди.

- Сизнингча, мундиалда ким ғалаба қозонади?

"Агар Испания чемпионликни қўлга кирита олмаса, олтин медалларга Аргентина эга чиқсин. Лионель Месси менинг дўстим",-деди "қизил фурия" афсонаси.

Маълумот учун, Испания 2-турдан кейин 4 очко жамғарган бўлса, "альбиселесте" ҳисобида 3 очко бор. "Қизиллар" ўз гуруҳида пешқадамлик қилмоқда, жанубий америкаликлар 2-поғонани банд этган.